Luke 2:10,11 'ദൂതൻ അവരോടു; ഭയപ്പെടേണ്ട; സർവ്വജനത്തിനും ഉണ്ടാവാനുള്ളോരു *മഹാസന്തോഷം* ഞാൻ നിങ്ങളോടു സുവിശേഷിക്കുന്നു. *കർത്താവായ ക്രിസ്തു* എന്ന രക്ഷിതാവു ഇന്നു ദാവീദിൻ്റെ പട്ടണത്തിൽ നിങ്ങൾക്കായി ജനിച്ചിരിക്കുന്നു'
And the angel said unto them, Be not afraid; for behold, I bring you good tidings of great joy which shall be to all the people for there is born to you this day in the city of David a Saviour, who is Christ the Lord.
ഏകദേശം 2020 വർഷങ്ങൾക്കുമുമ്പ്, സ്വർഗ്ഗത്തിലെ ദൂതൻ വിളിച്ചുപറഞ്ഞ ഈ പ്രവചനം അക്ഷരാർത്ഥത്തിൽ ശരിയായി ഭവിച്ചു. 'കർത്താവായ ക്രിസ്തു' എന്ന ലോകരക്ഷിതാവ് ദാവീദിൻ്റെ പട്ടണത്തിൽ ജനിക്കയും, അവിടുന്ന് ജനിച്ച നാൾ മുതൽ ഇന്നുവരെയും അനേക ജീവിതങ്ങൾക്ക് 'മഹാസന്തോഷം' പകർന്നുകൊണ്ടിരിക്കുകയും ചെയ്യുന്നു.
*ലോകം വെറുത്തവരെ അവിടുന്ന് നെഞ്ചോടു ചേർത്തു*.
(കുഷ്ഠ രോഗികൾ) ലൂക്കൊസ് 5:13
*ലോകം ശപിച്ചവരെ അവടുന്ന് തേടിച്ചെന്നു*
(മനോരോഗികൾ) മര്‍ക്കൊസ് 5:5
*ലോകം തള്ളിക്കളഞ്ഞവരെ അവിടുന്ന് അടുക്കലേക്ക് വിളിച്ചു*
(ഭിക്ഷക്കാർ) മർക്കൊസ് 10:48,49
ഇതുപോലെ എത്രയോ ജീവിതങ്ങളിലാണ് ക്രിസ്തു എന്ന മഹാസന്തോഷം പകരപ്പെട്ടത്,
*ഇരുളടഞ്ഞ ജീവിതങ്ങളിൽ പ്രകാശം ഉദിച്ചു*.
*കണ്ണുനീർ ഒഴുക്കിയ മിഴികളിൽ പ്രതീക്ഷ തെളിഞ്ഞു*,
*നൊമ്പരപ്പെട്ടിരുന്ന മുഖങ്ങളിൽ പുഞ്ചിരി വിടർന്നു*
ഇന്നും അതു തുടർന്നുകൊണ്ടിരിക്കുന്നു.
ക്രിസ്തുമസ്സ് അഥവാ ഉണ്ണിയേശുവിൻ്റെ ജന്മദിനം ഇന്നു നമുക്കു നൽകുന്ന പ്രത്യാശയും പ്രതീക്ഷയും അതുതന്നെയാണ്, കർത്താവായ ക്രിസ്തു എന്ന മഹാസന്തോഷം നമുക്കായി ജനിച്ചിരിക്കുന്നു. ആ ഉണ്ണീശോയെ നമ്മുടെ ഹൃദയങ്ങളിൽ സ്വീകരിക്കാം, നമ്മുടെ കണ്ണുനീരും സങ്കടങ്ങളും ദു:ഖങ്ങളും കുറവുകളും ഒക്കെ മഹാസന്തോഷത്തിന് വഴിമാറും.
*വചനമാരി സുവിശേഷ സഹകാരികൾക്ക് ഞങ്ങളുടെ ഹൃദയംനിറഞ്ഞ ക്രിസ്തുമസ്സ്
ആശംസകൾ
* !വചനമാരി ടീം, ഭോപ്പാൽ (7898211849, 9424400654)
