ദൈവത്തിന് ഏറ്റവും പ്രിയനായ ദാനിയേല്‍

"നീ ഏറ്റവും പ്രിയനാകയാൽ നിൻ്റെ യാചനകളുടെ ആരംഭത്തിങ്കൽ തന്നേ കല്‍പ്പന പുറപ്പെട്ടു, നിന്നോടു അറിയിപ്പാൻ ഞാൻ വന്നുമിരിക്കുന്നു; അതുകൊണ്ടു നീ കാര്യം ചിന്തിച്ചു ദർശനം ഗ്രഹിച്ചുകൊള്‍ക" ദാനിയേൽ 9:23

ദാനിയേലിൻ്റെ പ്രാർത്ഥനയും യാചനകളും കേട്ട് സ്വർഗ്ഗത്തിലെ ദൈവം തൻ്റെ ദൂതനായ ഗബ്രീയേലിനെ അവൻ്റെ അടുക്കൽ അയച്ച് അവനോട് അരുളിച്ചെയ്യുന്ന വചനങ്ങളാണ് ഇത്.

ദാനിയേലിൻ്റെ പ്രാർത്ഥനയുടെ ആരംഭത്തിൽ തന്നേ ദൈവം അതു കേട്ട്, അവനുവേണ്ടി സ്വര്‍ഗ്ഗത്തിൽ നിന്ന് കൽപ്പന പുറപ്പെടുവിച്ചു എന്നാണ് ഈ വാക്യത്തിൽ എഴുതിയിരിക്കുന്നത്. അതായത്, ദാനിയേലിൻ്റെ പ്രാർത്ഥനകൾക്കും യാചനകൾക്കും ദൈവസന്നിധിയിൽ നിന്ന് ഉടനടി നടപടി ഉണ്ടായി എന്നു സാരം.

ഏറെ നാളായി എൻ്റെ പ്രാർത്ഥനയ്ക്ക് മറുപടി ഇല്ല..,

ദൈവം എൻ്റെ പ്രാര്‍ത്ഥന കേള്‍ക്കുന്നില്ല..,

എൻ്റെ വിഷയത്തിനുമാത്രം വിടുതലില്ല..,

എന്നെ മാത്രം സ്വർഗ്ഗം പരിഗണിക്കുന്നില്ല..

ഇതുപോലുള്ള പരാതികളും പരിഭവങ്ങളും ഒക്കെ ഇന്ന് ദൈവമക്കളുടെ ഇടയിൽനിന്നുപോലും ധാരാളം കേട്ടുകൊണ്ടിരിക്കുന്ന ഈ കാലത്ത്, ഈ തിരുവചനത്തിന് ഏറെ പ്രസക്തിയുണ്ട്.

*ഈ ചോദ്യത്തിനുള്ള ഉത്തരം നമുക്കു പരിശോധിക്കാം!*

'*നീ ഏറ്റവും പ്രിയനാകയാല്‍*' എന്നു പറഞ്ഞുകൊണ്ടാണ് ഈ വാക്യം ആരംഭിക്കുന്നത്, അതുകൊണ്ട് ഇതില്‍ നിന്നുതന്നെ ഒരു കാര്യം വ്യക്തമാണ്. ദൈവത്തിന് 'പ്രിയന്‍' മാരും 'ഏറ്റവും പ്രിയന്‍' മാരുമായ മനുഷ്യരുണ്ട്. ദൈവവചനത്തിലെ ഓരോ വള്ളിയും പുള്ളിയും വലിയ അര്‍ത്ഥമുള്ളവയാണ്, അവ ഓരോന്നും ഏറ്റവും സൂക്ഷ്മതയോടെയാണ് പരിശുദ്ധാത്മാവ് തിരുവചനത്തില്‍ രേഖപ്പെടുത്തിയിരിക്കുന്നത്. ഏറ്റവും പ്രിയന്‍ എന്ന പരിഗണന ഒരു വ്യക്തിയ്ക്ക് സ്വര്‍ഗ്ഗത്തിലെ ദൈവം ചാര്‍ത്തി നല്‍കിയിട്ടുണ്ടെങ്കില്‍ അതിനുകാരണം ദൈവത്തിന് അവനെ അത്രമേല്‍ ഇഷ്ടമാണ് എന്നാണ്.

ഒരു തവണയല്ല, പല തവണയാണ്. 'ഏറ്റവും പ്രിയന്‍' എന്നു വിളിച്ചുകൊണ്ട് ദാനിയേലിനെ ദൈവദൂതന്‍ അഭിസംബോധന ചെയ്യുന്നത്. (ദാനിയേല്‍ 10:11, 19 മുതലായ വാക്യങ്ങള്‍ പരിശോധിക്കാവുന്നതാണ്) തക്ക പരിഗണയും ബഹുമാനവും കൊടുക്കുവാന്‍ യോഗ്യതയുള്ളവര്‍ക്കോ / അര്‍ഹതയുള്ളവയ്ക്കോ മാത്രമാണ് 'ഏറ്റവും' എന്ന ശീര്‍ഷകം സാധാരണയായി ഉപയോഗിക്കാറുള്ളൂ. ഇതുപോലുള്ള പദങ്ങള്‍ മനുഷ്യരോടുള്ള ബന്ധത്തില്‍ അപൂര്‍വ്വമായി മാത്രമേ ദൈവവചനത്തില്‍ എഴുതിയിരിക്കുന്നത് കാണുവാന്‍ സാധിക്കുന്നത്

ചില ഉദാഹരണങ്ങള്‍ നമുക്ക് ഓര്‍ക്കാം;