സദൃശ്യ. 20:22 "... യഹോവയെ കാത്തിരിക്ക; അവൻ നിന്നെ രക്ഷിക്കും.
സ്വർഗ്ഗത്തിലെ ദൈവം തന്റെ മക്കൾക്കുവേണ്ടി കരുതിവെച്ചിരിക്കുന്ന നന്മകൾ തട്ടിയെടുക്കുവാൻ ആർക്കും കഴിയുകയില്ല. എളുപ്പവഴിയിലൂടെ അവ കൈവശമാക്കുവാനും ആർക്കും സാധിക്കില്ല. അതിനായി കാത്തിരിക്കുകയാണ് വേണ്ടത്; ബദ്ധപ്പെടാതെ ക്ഷമയോടിരുന്നാൽ നിശ്ചയമായും അവ ലഭിക്കും, നമുക്കുള്ള അവകാശം / അവസരങ്ങൾ നമ്മെ തേടിവരും. വിശുദ്ധ വേദപുസ്തകത്തിൽ രേഖപ്പെടുത്തിയിരിക്കുന്ന ദൈവഭക്തന്മാരുടെ ജീവിത അനുഭവങ്ങൾ നമ്മുടെ മുമ്പിൽ സാക്ഷ്യമായി ഉണ്ട്. അവയിൽ ചിലതു ഞാൻ ഓർമ്മിപ്പിക്കാം;
മിസ്രയേമിലെ ഫറവോ രാജാവ് കണ്ട സ്വപ്നം വ്യഖ്യാനിക്കുവാൻ ആദ്യം അവസരം ലഭിച്ചത്, ആ രാജ്യത്തെ മന്ത്രവാദികൾക്കും മഷിനോട്ടക്കാർക്കും, മിസ്രയേമിലെ ജ്ഞാനികൾക്കുമായിരുന്നു. അവസാനം എന്തു സംഭവിച്ചു ? *സമയമായപ്പോൾ അവസരം യോസേഫിനെ തേടി വന്നു*. (ഉൽപ്പത്തി 41:8,14)
നെബുഖദ്നേസർ രാജാവ് കണ്ട സ്വപ്നം വ്യാഖ്യാനിക്കുവാൻ ആദ്യം വിളിക്കപ്പെട്ടത് ദേശത്തിലെ മന്ത്രവാദികളെയും ആഭിചാരകന്മാരെയും ക്ഷുദ്രക്കാരെയും കൽദയരെയും ആയിരുന്നു. അവസാനം എന്തു സംഭവിച്ചു ? *ദാനിയേലിന്റെ സമയമായപ്പോൾ അവസരം ദാനിയേലിനെ തേടി ചെന്നു.* (ദാനിയേൽ 2:2,25)
കർമ്മേൽ പർവ്വതത്തിൽ ഒരുക്കപ്പെട്ട യാഗപീഠത്തിൽ ബലി അർപ്പിക്കാൻ ആദ്യം അവസരം ലഭിച്ചത് ബാലിന്റെയും, അശേരാപ്രവാചകന്മാർക്കുമായിരുന്നു. അവർക്ക് സയവും അധികം ലഭിച്ചു. അവർ എണ്ണത്തിൽ കൂടുതലുമുണ്ടായിരുന്നു. അവസാനം എന്തു സംഭവിച്ചു ? *ഏലീയാവിന്റെ സമയം വന്നപ്പോൾ യഹോവയുടെ തീ ഇറങ്ങി ഏലീയാവിന്റെ ഹോമയാഗം ദഹിപ്പിച്ചു*. (1 രാജാ. 18:25,28)
ഈ സന്ദേശം വായിക്കുന്ന പ്രിയരേ, ദൈവാത്മാവിൽ ഞാൻ ഒരു ആലോചന നിങ്ങളോടു പറയട്ടെ; ആദ്യം അവസരം ലഭിക്കുന്നതിലല്ല, ആളുകളുടെ എണ്ണത്തിലുമല്ല, ലോകത്തിന്റെ ജ്ഞാനത്താലുമല്ല, അധികാരത്തിന്റെ മുഷ്ടിയാലുമല്ല, കർത്താവിനായി, കർത്താവിന്റെ സമയത്തിനായി കാത്തിരിക്കുന്നവർക്ക് അതു ലഭിക്കും. അവരുടെ സമയം വരും, അവരുടെ അവസരം അവരെ തേടി എത്തും. (സഭാ പ്ര. 3:11) അവൻ സകലവും അതതിന്റെ സമയത്തു ഭംഗിയായി ചെയ്യും....
വിശ്വസിക്കുന്നവർക്ക് ഒരു 'ആമേൻ' പറയാമോ !
പ്രാർത്ഥനയോടെ,
ഷൈജു ബ്രദർ (9424400654)
വചനമാരി, ഭോപ്പാൽ
*കുറിപ്പ്*:
നിങ്ങളുടെ വിശ്വാസജീവിതത്തിൽ പ്രത്യാശനൽകുന്ന അനുദിന ധ്യാനചിന്തകൾ വചനമാരിയിൽ നിന്ന് കൃത്യമായി / കൃമമായി ലഭിക്കുവാൻ ഞങ്ങളുടെ വാട്സ് ഗ്രൂപ്പിൽ അംഗമാകുക. ഈ വാഗ്ദത്ത സന്ദേശം അനുഗ്രഹമായെങ്കിൽ മറ്റുള്ളവർക്കും അയച്ചുകൊടുക്കുക.
പ്രാർത്ഥനാ വിഷയങ്ങൾ അറിയിക്കുവാൻ, വചനമാരി പ്രാർത്ഥനാ കെയർ ലേക്ക് വിളിക്കാവുന്നതാണ് Ph: 0755 4297672, Mob: 7898211849, 9589741414, 7000477047
വചനമാരി WhatsApp ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക
