ജൂൺ മാസ, അനുഗ്രഹ സന്ദേശം

May-2023

കഷ്ടത്തിൽ ആയപ്പോൾ അവൻ തൻ്റെ യഹോവയോടു അപേക്ഷിച്ചു. തൻ്റെ പിതാക്കന്മാരുടെ ദൈവത്തിൻ്റെ മുമ്പിൽ തന്നെത്താൻ ഏറ്റവും താഴ്ത്തി അവനോടു പ്രർത്ഥിച്ചു* ” (2 ദിനവൃ. 33:9,12) ഈ പ്രാർത്ഥന അവൻ്റെ ജീവിതംതന്നെ മാറ്റിമറിച്ചു. അന്നുവരെ ദൈവത്തിന് അനിഷ്ടനായിരുന്നവൻ അന്നുമുതൽ ദൈവത്തിന് പ്രിയനായി മാറി. ഒരു പ്രാർത്ഥന (ഒറ്റ പ്രാർത്ഥന) കൊണ്ടാണ് ഇത് സാധിച്ചത്. അന്നുവരെ അവൻ ചെയ്തതെല്ലാം ദൈവം മറക്കാനും അവനോട് പൊറുക്കാനും കാരണമായത് ആ പ്രാർത്ഥനയുടെ രീതി ആയിരുന്നു. ‘ *ദൈവത്തിന്റെ മുമ്പിൽ തന്നെത്താൻ ഏറ്റവും താഴ്ത്തി പ്രർത്ഥിച്ചു*


*കർത്താവിൽ പ്രിയരേ,*
       വചനമാരി സുവിശേഷ പ്രവർത്തനങ്ങളിൽ സഹകാരികളായിരിക്കുന്ന എല്ലാ പ്രിയപ്പെട്ടവർക്കും, യേശു കർത്താവിൻ്റെ പരിശുദ്ധ നാമത്തിൽ ഭോപ്പാലിൽ നിന്ന് ഞങ്ങളുടെ സ്നേഹ വന്ദനങ്ങൾ അറിയിക്കുന്നു. ഇന്ന് ഒരു പുതിയ മാസത്തിലേക്ക് പ്രവേശിക്കുവാൻ ദൈവം നമുക്കു കൃപ ചെയ്തിരിക്കുന്നുവല്ലോ. ഈ ജൂൺ മാസം നിങ്ങൾക്ക് ഏറ്റവും അനുഗ്രഹിക്കപ്പെട്ട ഒരു മാസമായിരിക്കേണ്ടതിന് ദൈവത്തോട് പ്രാർത്ഥിക്കുന്നു. ഈ മാസത്തേക്കുവേണ്ട ഒരു അനുഗ്രഹവാക്യം ദൈവാത്മാവ് എൻ്റെ ഹൃദയത്തിൽ തന്നിരിക്കുന്നത്, 1 പത്രൊസ് 5:6 വാക്യമാണ്. “അതുകൊണ്ട് *അവൻ തക്കസമയത്തു നിങ്ങളെ ഉയർത്തുവാൻ ദൈവത്തിൻ്റെ ബലമുള്ള കൈക്കീഴു താണിരിപ്പിൻ* ”
        നമ്മൾ എല്ലാവിധത്തിലും ഉന്നതിയിൽ ജീവിക്കണമെന്നാണ് ദൈവത്തിൻ്റെ ഇഷ്ടം. അതിനുവേണ്ട മാർഗ്ഗങ്ങൾ പരിശുദ്ധാത്മാവ് തിരുവചനത്തിൽ രേഖപ്പെടുത്തിയിട്ടുണ്ട്. നമ്മൾ അവ അനുസരിച്ചാൽ നിശ്ചയമായും എല്ലാവിധ ആത്മീയ, ഭൗതിക ഉന്നതിയിൽ ജീവിക്കുവാൻ നമുക്കു സാധിക്കും. അതേ, ഈ മാസം ഉന്നതിയുടെ മാസമായിരിക്കും.
          വേദപുസ്തകത്തിലെ പഴയ നിയമത്തിൽ രേഖപ്പെടുത്തിയിരിക്കുന്ന രണ്ടു രാജാക്കന്മാരെക്കുറിച്ച് ഞാൻ ഓർമ്മിപ്പിക്കാം. *ഒന്ന്;* ശൗൽ എന്ന രാജാവാണ്. യിസ്രായേലിൻ്റെ ആദ്യത്തെ രാജാവായിരുന്നല്ലോ ശൗൽ, തന്റെ ഭരണത്തിൻ്റെ ആരംഭത്തിൽ വളരെ നല്ല കാര്യങ്ങളൊക്കെയും ചെയ്തു എങ്കിലും, ക്രമേണ അഹങ്കാരവും നിഗളവും അവൻ്റെ ജീവിതത്തിൽ കടന്നുവന്നു, അവൻ ദൈവകൽപ്പന അനുസരിച്ചില്ല, അതുകൊണ്ട് ദൈവം അവനെ രാജസ്ഥാനത്തുനിന്ന് നീക്കിക്കളഞ്ഞു. പിന്നീട് അവൻ്റെ പാപത്തെക്കുറിച്ച് ബോധ്യപ്പെടുത്തിയപ്പോള്‍, അവൻ്റെ പ്രതികരണം ഇങ്ങനെയായിരുന്നു; "ഞാന്‍ പാപം ചെയ്തിരിക്കുന്നു, എങ്കിലും ജനത്തിന്‍റെ മൂപ്പന്മാരുടെ.. മുമ്പാകെ ഇപ്പോള്‍ എന്നെ മാനിക്ക.." (1 ശമുവേല്‍ 15:30). ദൈവത്തോട് 'എന്‍റെ പാപം ക്ഷമിക്കണേ' എന്നു യാചിക്കാതെ, 'എന്നെ മാനിക്ക' എന്നു പറഞ്ഞ ശൗല്‍ എന്നും അങ്ങനെയായിരുന്നു. ദൈവസന്നിധിയില്‍ താഴാതെ, സ്വന്ത മാനവും മഹത്വവും അന്വേഷിച്ചു നടന്നു. അവസാനം തന്‍റെ മരണ സമയത്തുപോലും മാനം നോക്കിയ, അവന്റെ മരണംപോലും എത്ര പരിതാപകരമായിരുന്നു എന്നു കാണാം. തലക്കനവും, ഈഗോയും, അഹംഭാവവും ജീവിതത്തിലെ ഉന്നതികൾ അവന് നഷ്ടപ്പെടുത്തി.

        എന്നാൽ *മറ്റൊരു രാജാവിൻ്റെ* ചരിത്രം ദൈവാത്മാവ് രേഖപ്പെടുത്തിയിട്ടുണ്ട്, മനശ്ശെ എന്നാണ് ആ രാജാവിൻ്റെ പേര്. തൻ്റെ ഭരണത്തിൻ്റെ ആരംഭകാലം ഒട്ടുംതന്നെ നല്ലതായിരുന്നില്ല, കൊള്ളരുതായ്മകൾ ചെയ്ത് അവൻ ദൈവത്തെ കോപിപ്പിച്ചു. വിഗ്രഹങ്ങളെയും ബിംബങ്ങളെയും സ്ഥാപിച്ചു ജനത്തെക്കൊണ്ട് പാപം ചെയ്യിപ്പിച്ചു. രാജ്യത്ത് ആഭിചാരം ചെയ്യുന്നവരെയും ക്ഷുദ്രപ്രയോഗങ്ങൾ ചെയ്യുന്നവരെയും നിയമിച്ചു. അവസാനം ദൈവം അവനെ അശ്ശൂർ രാജാവിന് ഏൽപ്പിച്ചു. അവർ അവനെ പിടിച്ച് ചങ്ങലയ്ക്കിട്ട് ബാബേലിലേക്കു കൊണ്ടുപോയി.
             എന്നാൻ ആ കഷ്ടത അവന്റെ കണ്ണു തുറപ്പിച്ചു. വേദപുസ്തകത്തിൽ എഴുതിയിരിക്കുന്നത് ഇപ്രകാരമാണ്; “*കഷ്ടത്തിൽ ആയപ്പോൾ അവൻ തന്റെ യഹോവയോടു അപേക്ഷിച്ചു. തന്റെ പിതാക്കന്മാരുടെ ദൈവത്തിന്റെ മുമ്പിൽ തന്നെത്താൻ ഏറ്റവും താഴ്ത്തി അവനോടു പ്രർത്ഥിച്ചു* ” (2 ദിനവൃ. 33:9,12)
          ഈ പ്രാർത്ഥന അവൻ്റെ ജീവിതംതന്നെ മാറ്റിമറിച്ചു. അന്നുവരെ ദൈവത്തിന് അനിഷ്ടനായിരുന്നവൻ അന്നുമുതൽ ദൈവത്തിന് പ്രിയനായി മാറി. ഒരു പ്രാർത്ഥന (ഒറ്റ പ്രാർത്ഥന) കൊണ്ടാണ് ഇത് സാധിച്ചത്. അന്നുവരെ അവൻ ചെയ്തതെല്ലാം ദൈവം മറക്കാനും അവനോട് പൊറുക്കാനും കാരണമായത് ആ പ്രാർത്ഥനയുടെ രീതി ആയിരുന്നു. ‘ *ദൈവത്തിൻ്റെ മുമ്പിൽ തന്നെത്താൻ ഏറ്റവും താഴ്ത്തി പ്രർത്ഥിച്ചു* ’
ഇന്നും അനേകരുടെ പ്രാർത്ഥനകളിൽ നഷ്ടപ്പെട്ടിരിക്കുന്ന ഒരു അനുഭവമാണ് ഇത്. തന്നെത്താൻ താഴ്ത്തിയുള്ള പ്രാർത്ഥനയുടെ രഹസ്യം തിരിച്ചറിഞ്ഞ് ദൈവത്തോട് പ്രാർത്ഥിക്കുന്നവരുടെ അവസ്ഥകൾ മാറും, ദൈവം അവരെ ഉയർത്തും. മനശ്ശെയുടെ ജീവിതത്തിൽ സംഭവിച്ചതുപോലെ അവരുടെയും ചരിത്രം ദൈവം മാറ്റി എഴുതും.

അവസരം ലഭിച്ചിട്ടും അത് നഷ്ടപ്പെടുത്തിയ ശൗലിനെപ്പോലെ അല്ല; ഞാൻ എന്ന ഭാവവും, എൻ്റെ കഴിവും, എൻ്റെ യോഗ്യതയും… എന്നൊക്കെയുള്ള ചിന്തകളും വിചാരങ്ങളും ഒക്കെ മാറ്റിവെച്ച് മനശ്ശെ പ്രാർത്ഥിച്ചതുപോലെ പ്രാർത്ഥിക്കാം, എന്നാൽ യാക്കോബ് 4:10 ൽ വായിക്കുന്നതുപോലെ സംഭവിക്കും, നമ്മുടെ അവസ്ഥകൾ മാറും “ *കർത്താവിന്റെ സന്നിധിയിൽ താഴുവിൻ; എന്നാൽ അവൻ നിങ്ങളെ ഉയർത്തും* ”
അതേ, ഉയർച്ചയുടെ ജൂൺ മാസം നമ്മെ കാത്തിരിക്കുന്നു. വിശ്വസിക്കുന്നവർക്ക് ‘ആമേൻ’ പറഞ്ഞുകൊണ്ട് ഈ വാഗ്ദത്ത സന്ദേശം ഏറ്റെടുക്കാം.

പ്രാർത്ഥനയോടെ,
ഷൈജു ബ്രദർ(9424400654)
വചനമാരി, ഭോപ്പാൽ

*കുറിപ്പ്*:
നിങ്ങളുടെ വിശ്വാസജീവിതത്തിൽ പ്രത്യാശനൽകുന്ന അനുദിന ധ്യാനചിന്തകൾ വചനമാരിയിൽ നിന്ന് കൃത്യമായി / കൃമമായി ലഭിക്കുവാൻ ഞങ്ങളുടെ വാട്സ് ഗ്രൂപ്പിൽ അംഗമാകുക. ഈ വാഗ്ദത്ത സന്ദേശം അനുഗ്രഹമായെങ്കിൽ മറ്റുള്ളവർക്കും അയച്ചുകൊടുക്കുക. നിങ്ങളുടെ പ്രാർത്ഥനാ വിഷയങ്ങൾ അറിയിക്കുവാൻ, വചനമാരി പ്രാർത്ഥനാ കെയർ ലേക്ക് വിളിക്കാവുന്നതാണ് Ph: 0755 4297672, Mob: 7898211849, 9589741414, 7000477047

*മദ്ധ്യപ്രദേശിലെ വചനമാരിയുടെ സുവിശേഷ പ്രവർത്തനങ്ങൾക്ക് സ്തോത്രക്കാഴ്ച അയക്കുന്നവരുടെമാത്രം അറിവിലേക്ക്;*
VACHANAMARI
A/C No. 13500100172414, Federal Bank, M.P. Nagar, Bhopal
IFSC Code: FDRL0001350
*Googlepay Number*
9424400654
Like
Comment
Tags :
Shaiju John

Publisher & Chief Editor- Vachanamari

ഹൈലൈറ്റുകൾ
ദൈവം കണക്കുചോദിക്കും

ദൈവം അവരോട് കണക്കു ചോദിക്കാതെ വിട്ടില്ല. അവരെ അരാമ്യസൈന്യത്തിന് ഏൽപ്പിച്ചുകൊടുത്തു. ആ സൈന്യം പട്ടണത്തിൽ കയറി നെരങ്ങി, കിട്ടിയതെല്ലാം നശിപ്പിച്ച് കൊള്ളയിട്ടു. യോവാശ് രാജാവിനെ ഒരു ജീവച്ഛവംപോലെ അവർ ഉപേക്ഷിച്ചുപോയി. അതുകൊണ്ടും ദൈവത്തിൻ്റെ കണക്കുതീർന്നില്ല. സെഖര്യാവിനെതിരെ ഗ്രൂപ്പുണ്ടാക്കി അവനെ കൊന്നുകളഞ്ഞതുപോലെ, യോവാശിനെതിരെയും ചിലർ ഗ്രൂപ്പുണ്ടാക്കുകയും അവർ അവനെ കിടക്കയിൽവെച്ച് തീർത്തുകളയുകയും ചെയ്തു, അവൻ വിതെച്ചതുതന്നെ കൊയ്തു.     അന്യായമായി ദൈവജനത്തിനെതിരെ തിരിയുന്നവരും, നിർദോഷികളായ ദൈവദാസന്മാർക്കെതിരെ കൂട്ടുകെട്ടുണ്ടാക്കുന്നവരും, നിരപരാധികളെ ചതിയിൽപെടുത്താൻ ശ്രമിക്കുന്നവരും,.. ഓർക്കുക. ദൈവം കണക്കുചോദിക്കാതെ വിടില്ല. അവർ അളക്കുന്ന നാഴികൊണ്ട് പലിശസഹിതം ദൈവം അവർക്ക് അളന്നുകൊടുക്കും

അപ്പൻ്റെ സ്നേഹം

ഒരുപിടി മണ്ണിനുവേണ്ടി മാതാപിതാക്കളുടെ നേരെ വാളോങ്ങുന്ന മക്കളെ കാണുമ്പോൾ, അവശരായ മാതാപിതാക്കളെ വഴിയിലുപേക്ഷിച്ച് അവരുടെ സമ്പത്ത് തട്ടിയെടുത്ത് കടന്നുകളയുന്ന മക്കളെ കാണുമ്പോൾ, സ്വത്തിനുവേണ്ടി മാതാപിതാക്കളോട് വഴക്കുണ്ടാക്കി അവരെ ദേഹോപദ്രവമേൽപ്പിച്ച് പട്ടിണിക്കിടുന്ന മക്കളെ കാണുമ്പോൾ.. ആ മാതാപിതാക്കൾ തങ്ങളുടെ മക്കളെ എത്രമാത്രം സ്നേഹിക്കുന്നുണ്ട് എന്ന് മക്കൾ ഒന്ന് തിരിച്ചറിഞ്ഞെങ്കിൽ എന്ന് ആത്മാർത്ഥമായി ആഗ്രഹിച്ചുപോകയാണ്. ധൂർത്ത്പുത്രൻ അപ്പൻ്റെ വീട്ടിലേക്ക് മടങ്ങിവന്നപ്പോൾ, അപ്പൻ അവനെ കുറ്റപ്പെടുത്തിയില്ല, അവനെ ശിക്ഷില്ല, ശാസിച്ചില്ല, വേദനിപ്പിച്ചില്ല.. “ഈ എൻ്റെ മകൻ മരിച്ചവനായിരുന്നു; വീണ്ടും ജീവിച്ചു; കാണാതെ പോയിരുന്നു; കണ്ടുകിട്ടിയിരിക്കുന്നു എന്നു പറഞ്ഞു; അങ്ങനെ അവർ ആനന്ദിച്ചു തുടങ്ങി”

ഞാൻ ഇതാണ്

കെനിയൻ താരത്തിൻ്റെ അറിവില്ലായ്മയെ മുതലെടുത്ത് ആ മത്സരത്തിൽ ഒന്നാമത് എത്തുവാൻ എന്റെ അഭിമാനം എന്നെ അനുവദിച്ചില്ല, ട്രാക്കിൽ അവനെ ഓടിതോൽപ്പിക്കാതെ അവസരം മുതലാക്കി ഞാൻ നേടുന്ന ജയം നീതിയുള്ള (യോഗ്യമായ) ജയമാണ് എന്ന് ഞാൻ കരുതുന്നില്ല. മാത്രമല്ല ഈ മത്സരം കണ്ടുകൊണ്ടിരിക്കുന്ന ഒരു അമ്മ എനിക്കുണ്ട്, കെനിയൻ താരത്തെ തള്ളിമാറ്റി ഒന്നാമനായി വിജയിച്ചുകൊണ്ട് വീട്ടിൽ ചെന്ന് എൻ്റെ അമ്മയുടെ മുഖത്തുനോക്കാനുള്ള ധൈര്യം എനിക്കില്ല. ഒന്നാം സ്ഥാനം നഷ്ടപ്പെടുത്തിയതിന് എല്ലാവരും എന്നെ കുറ്റപ്പെടുത്തിയപ്പോൾ, എൻ്റെ അമ്മ എന്നെ കെട്ടിപ്പിടിച്ചുകൊണ്ട് അഭിനന്ദിച്ചു, നീ ചെയ്തതാണ് ശരി എന്ന് എന്നോടു പറഞ്ഞു, എനിക്കതുമതി.

യേശുകർത്താവിന് എന്നെ അറിയാം !

ഒരിക്കൽ പത്രൊസിലുണ്ടായിരുന്ന ആ രണ്ടുമുഖങ്ങൾ കർത്താവിനെ വേദനിപ്പിച്ചതുപോലെ ഇന്ന് അനേക ദൈവമക്കളിൽ കാണുന്ന ഈ രണ്ടുഭാവങ്ങൾ കർത്താവിനെ എത്ര വേദനിപ്പിക്കുന്നുണ്ടായിരിക്കും. കർത്താവിന് നമ്മെ അറിയാം എന്ന, അഥവാ നമ്മൾ കർത്താവിൻ്റെ മക്കളാണ് എന്ന പ്രഖ്യാപനവും സാക്ഷ്യവും നമ്മുടെ ജീവിതത്തിൻ്റെ എല്ലാ മേഖലയിലും പ്രകടമാകണം. യേശുവുമായുള്ള നമ്മുടെ പരിചയവും ബന്ധവും ആഘോഷിക്കുന്ന ഇടങ്ങളാകട്ടെ നമ്മുടെ സോഷ്യൽമീഡിയകൾ. നമ്മുടെ വാട്സ്ആപ് പ്രൊഫൈലും, സ്റ്റാറ്റസുകളും യേശുകർത്താവുമായുള്ള നമ്മുടെ ദൃഢബന്ധം വിളിച്ചുപറുന്നതാകട്ടെ, കർത്താവിന് എന്നെ അറിയാം, ഇതിൽ ഞാൻ അഭിമാനിക്കുന്നു. *ആമേൻ*