യോഹ. 11:21 “മാർത്ത യേശുവിനോടു; കർത്താവേ, നീ *ഇവിടെ ഉണ്ടായിരുന്നു എങ്കിൽ* ..”
യോഹ. 11:32 “..മറിയ..അവനെ കണ്ടിട്ടു അവൻ്റെ കാല്ക്കൽ വീണു; കർത്താവേ, നീ *ഇവിടെ ഉണ്ടായിരുന്നു എങ്കിൽ* ..”
ലാസറിൻ്റെ ഭവനത്തിൽ എത്തിയ കർത്താവിനോട് അവൻ്റെ സഹോദരിമാരായ മാർത്തയും മറിയയും ഒരേപോലെ പറഞ്ഞ വാക്കുകളാണ് ഇത്. *കർത്താവ് കൂടെ ഉണ്ടായിരുന്നു എങ്കിൽ* ഒരു ദോഷവും സംഭവിക്കില്ലായിരുന്നു എന്ന ഉത്തമബോധ്യം അവർക്കുണ്ടായിരുന്നതുകൊണ്ടാണ് അവർ രണ്ടുപേരും ഒരേ സ്വരത്തിൽ ഈ വാക്കുകൾ പറഞ്ഞത്.
കർത്താവിൻ്റെ വാഗ്ദത്തത്തിൽ വിശ്വസിക്കുന്ന ദൈവമക്കൾക്ക് ഈ ഉറപ്പും ബോധ്യവും എന്നും ഉണ്ടായിരിക്കണം. ഉയിർത്തെഴുന്നേറ്റ് സ്വർഗ്ഗാരോഹണം ചെയ്യുന്ന സമയത്ത് നമ്മുടെ കർത്താവ് അരുളിച്ചെയ്തത് ‘ഞാനോ ലോകാവസാനത്തോളം എല്ലാനാളും നിങ്ങളോടുകൂടെ ഉണ്ട്’ എന്നാണല്ലോ. മനുഷ്യശരീരത്തിൽ ഈ ഭൂമിയിൽ വസിച്ച കർത്താവിന് അന്ന് ലാസർ രോഗിയായി കിടന്നപ്പോൾ കിലോമീറ്ററുകൾ ദൂരത്തുനിന്ന് അവന്റെ അടുക്കൽ ഓടി എത്തുവാൻ കഴിഞ്ഞില്ല, എന്നാൽ ഇന്ന് ഉയിർത്തെഴുന്നേറ്റ നമ്മുടെ കർത്താവിന് ദൂരങ്ങൾതാണ്ടി നമ്മുടെ അടുക്കൽ വരേണ്ട കാര്യമില്ല, കാരണം അവിടുന്ന് എല്ലാനാളും നമ്മുടെ കൂടെതന്നെയുണ്ട്. സ്തോത്രം !
ആകയാൽ;
കർത്താവ് അരുളിച്ചെയ്തിട്ടുണ്ട് എങ്കിൽ..
കർത്താവ് സഹായത്തിന് ഉണ്ട് എങ്കിൽ..
കർത്താവിൻ്റെ നടത്തിപ്പ് ഉണ്ട് എങ്കിൽ..
കർത്താവ് വാഗ്ദത്തം ചെയ്തിട്ടുണ്ട് എങ്കിൽ..
കർത്താവ് സൌഖ്യം കൽപ്പിച്ചിട്ടുണ്ട് എങ്കിൽ..
കർത്താവ് വിടുതൽ തന്നിട്ടുണ്ട് ഉണ്ട് എങ്കിൽ..
*ഇന്ന് കർത്താവ് നമ്മുടെ കൂടെ ഉള്ളതുകൊണ്ട് അതു നടക്കും നിശ്ചയം*
ഒരിക്കൽക്കൂടെ എൻ്റെ വാക്കുകൾ ഞാൻ ആവർത്തിക്കട്ടെ, അന്ന് കർത്താവ് അവിടെ ഇല്ലാതിരുന്നതുകൊണ്ടുമാത്രം മാർത്തയുടെയും മറിയയുടെയും ഭവനത്തിൽ വലിയ അനർത്ഥം സംഭവിച്ചു. എന്നാൽ കർത്താവ് അവിടെ വന്നപ്പോൾ അവിടുന്ന് ആ ദോഷം നീക്കിക്കൊടുത്തു.
ഇന്ന് കർത്താവ് നമ്മുടെ കൂടെ ഉള്ളതുകൊണ്ട് ഒരു അനർത്ഥവും നമുക്കു ഭവിക്കയില്ല, ഒരു ബാധയും നമ്മുടെ കൂടാരത്തിന് അടുക്കയുമില്ല.
വിശ്വസിക്കുന്നവർക്ക് *ആമേൻ* പറയാം.
ഒരു നല്ല ദിവസം ആശംസിച്ചുകൊണ്ട്,
പ്രാർത്ഥനയോടെ,
ഷൈജു പാസ്റ്റർ (9424400654)
വചനമാരി ടീം. (ഭോപ്പാൽ)
പ്രാർത്ഥനാ വിഷയങ്ങൾ അറിയിക്കേണ്ടതിന്നു വിളിക്കേണ്ട നമ്പർ: 9589741414, 7000477047, 07554297672, 7898211849
ഈ ധ്യാന സന്ദേശം ദയവായി മറ്റുള്ളവർക്കും അയച്ചുകൊടുക്കുക.
വചനമാരിയിൽ നിന്നുള്ള അനുഗ്രഹ സന്ദേശങ്ങൾ കൃത്യമായി ലഭിക്കുവാൻ ഞങ്ങളുടെ ഈ ഫോൺ നമ്പറുകൾ നിങ്ങളുടെ മൊബൈൽ ഫോണിൽ ഇപ്പോൾതന്നെ സേവ് ചെയ്യുക 9424400654, 7898211849
വചനമാരി WhatsApp ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക https://chat.whatsapp.com/Hw3TAMCeyp00DLzOdFgNAk
