യേശു വന്നാൽ എല്ലാം ശരിയാകും !

 "പിന്നെ അവൻ അവരുടെ അടുക്കൽ ചെന്നു പടകിൽ കയറി, കാറ്റു അമർന്നു; അവർ ഉള്ളിൽ അത്യന്തം ഭ്രമിച്ചാശ്ചര്യപ്പെട്ടു"  മർക്കൊസ് 6:49,51

   യേശുവിൻ്റെ ശിഷ്യന്മാരുടെ ജീവിതത്തിൽ അവർ ഏറ്റവും ഭ്രമിച്ചുപോകുവാൻ ഇടയായ ഒരു സംഭവമാണ് ഈ വചനഭാഗത്ത് നമ്മൾ വായിക്കുന്നത്. ഗെന്നേസരത്ത് തടാകത്തിൻ്റെ നടുവിൽ, എന്തു ചെയ്യും?, ആരു സഹായിക്കും? എന്ന് സങ്കടപ്പെട്ട്, മരണഭയത്താൽ ധൈര്യം നഷ്ടപ്പെട്ട് കരഞ്ഞുകൊണ്ടിരിക്കുന്ന ശിഷ്യന്മാരെയാണ് ഈ വചനഭാഗത്ത് നമ്മൾ കാണുന്നത്. രാത്രിയിലെ നാലാം യാമത്തിൽ കടലിന്മേൽ നടന്നുകൊണ്ട് യേശു അവരുടെ അടുക്കൽ ചെന്നപ്പോൾ ഒരു ഭൂതം വരുന്നു എന്നു നിരൂപിച്ചുകൊണ്ട് അവർ ഏറ്റവും നിലവിളിച്ചു.

   കൂനിന്മേൽ കുരു എന്ന അവസ്ഥയാണ് ഇവിടെ ശിഷ്യന്മാർക്ക് ഉണ്ടായത്, കാരണം, കടലിനു നടുവിൽ മുങ്ങിപ്പോകുമെന്ന് ഭയപ്പെട്ടിരിക്കുമ്പോഴാണ് കടലിന്മേൽ നടന്നുവരുന്ന യേശുവിനെ അവർ കണ്ടത്. ഒരു ഭൂതം എന്നു കരുതി അവരുടെ ഭയം ഇരട്ടിച്ചു.

യേശു അവരോട്, ഭയപ്പെടേണ്ട എന്നു പറഞ്ഞ് അവരെ ധൈര്യപ്പെടുത്തി. മർക്കൊസ് 6:51 വാക്യത്തില്‍ വായിക്കുന്നത്; അവർ സന്തോഷിച്ചാർത്തു എന്നാണ്. (completely overwhelmed, utterly astounded, greatly amazed, marveled beyond measure, profusely astonished) പല ഭാഷകളിൽ രേഖപ്പെടുത്തിയിരിക്കുന്ന ഈ വചനത്തിൻ്റെ തർജ്ജമകളാണ് ഇവ.